Föndur

Verður maður ekki að láta heyra í sér öðru hvoru ? Helgin hefur verið einstaklega róleg hjá okkur. Ég eyddi föstudagskvöldinu í föndur. Framkallaði 50 myndir úr brúðkaupinu, sem ég klippti til og límdi á svartan pappír með smá athugasemdum við hverja mynd. Keypti svo stórann smelluramma fyrir þetta og ætla að fara með þetta á Brekku við fyrsta tækifæri. Lét líka stækka myndina af eldavélinni sem er hrikalega flott þar sem hún stendur núna í hlöðunni eftir að hafa þjónað sínu hlutverki í eldhúsinu á Brekku í ég-veit-ekki-hve-mörg ár. Hún fékk hvíldina langþráðu í sumar þegar vinnugengið lét skarann skríða.

Svo er ég búin að framkalla myndirnar úr brúðkaupinu fyrir Írisi og ætla að senda henni eftir helgi þegar ég hef keypt afmælisgjöf fyrir Helga. Veit hreinlega ekkert hvað ég á að gefa honum! Einhverjar hugmyndir ?