Útilegumaðurinn minn sæti með skeggið

Er hann ekki myndarlegur! Hlynur minn var sem sagt að leika Harald, útilegumann í Skugga-Sveini. Síðasta sýning var núna í gærkvöldi. Hann stóð sig eins og hetja þessi elska!!!!

 

Frá því við byrjuðum saman hefur hann suðað um að fá að safna skeggi en ég alltaf sett mig upp á móti því og hótað engum kossum framar. Jæja, þegar honum var boðið hlutverk Haralds var hann fljótur að segja já þegar hann vissi að hann þyrfti að safna skeggi:) Nema hvað, eftir nokkra daga var hann að fara úr límingunum af löngun til að raka sig

Í gærkvöldi kom hann því hlaupandi heim eftir að frumsýningu lauk, rauk upp á bað, sturtaði sig og hófst svo handa við hinn langþráða rakstur. Þegar hann kom niður fannst mér hann vera hálfbarnalegur í framan, svona skegglaus og glansandi. En kossarnir verða líklega fleiri hér eftir en undanfarnar vikur

Athugasemdir

[Ásthildur Cesil Þórðardóttir, 3.12.2007 kl. 15:50]

Þú ert greinilega uppi á réttum tíma Harpa mín hehehe.. ekki gott ef þú hefði verð öldinni fyrr, þegar enginn karlmaður skegglaus var.  En þetta er mesti myndarpiltur hann Haraldur, Hlynur. 

[Benni (IP-tala skráð) 3.12.2007 kl. 16:28]

Iss, þetta er nú meiri aumingjaskapurinn í honum Hlyni, ég þurfti að hafa gríðarlegan skeggvöxt alveg frá jólum og fram að páskum.

Ekki samt segja honum að ég hafi sagt þetta.... :)

[Þorleifur Ágústsson, 3.12.2007 kl. 18:42]

Heiðarsveinninn hýri - er voða krúttlegur!! þó ekki sé hann með eins fallegt skegg og Jón Sterki.......

[Thalez (IP-tala skráð) 8.12.2007 kl. 22:16]

Langflottastur!