Sviðnar kindalappir í matinn í kvöld, nammmm....?

Í kvöld vorum við í mat hjá Kollu og Nonna í Hjarðadal. Einu sinni ári sem sagt erum við boðin í mat, ásamt hinum systkinum Hlyns og mökum, ásamt tengdaforeldrum mínum Didda og Dúnnu. (Hlynur minn er bróðir Nonna). Jámm,  við erum jú oftar boðin í mat yfir árið en þetta er mjög spes. Fyrir mig allavega.....Í boði eru kindalappir... sviðnar og soðnar kindalappir. Kindalappir með klaufum og alles. Soðnar í haunk svo skinnið og sinarnar losni utanaf við snertinguna eina. Ójá, smjattað og kjammsað á seigum sinunum og skinnið svo mikið soðið að rétt þarf að snerta til að það flosni í sundur. Allt í kringum mig voru þau að smjatta á þessu góðgæti, fitugir fingur og kartöflumúsin út á kinnar. Ég fékk mér súpu. Kjötsúpu.

Mikið vildi ég að ég væri nógu það kjörkuð að geta smakkað. Skammast mín hálfpartinn fyrir að sitja hjá við svona alíslenskt matarborð.

Kannski næst.....

Athugasemdir

[Árelía (IP-tala skráð) 8.12.2007 kl. 03:04]

MEEEEEEE..... ojjjjjjj hefði gubbað. Klíugjörn dauðans!!!!!!

[Dísa Dóra, 8.12.2007 kl. 08:53]

Þetta er reyndar herramannsmatur.  Þú ættir að safna kjarki og smakka

[Magga Kristjáns (IP-tala skráð) 8.12.2007 kl. 13:12]

Verst að ég komst ekki , ég hefði borðað kjötsúpu með þér.

[Martha (IP-tala skráð) 10.12.2007 kl. 11:54]

Úfff....

Ég hefði kannsi átt að hemja mig í löppunum... ég át hressilega yfir mig og svaf ekkert sérlega vel eftir það. En þar sem þetta er bara einusinni á ári...og þetta er svo gott!

Kv. Martha

[Gló Magnaða, 10.12.2007 kl. 12:56]

Harpa þú verður að smakka næst. Þetta er svipað bragð og af sviðum.  Ég elska svona villimannasiði. Ég ætlaði að elda blóðgraut og var að mana fólk í að smakka en klikkaði á að ná mér í blóð. Fúlt.........

[Harpa Oddbjörnsdóttir, 10.12.2007 kl. 13:08]

BLÓÐGRAUT!!!! ómægad frekar myndi ég leggja mér til munns lappirnar.....

[Gló Magnaða, 10.12.2007 kl. 13:44]

Blóðgrautur er mjög ljúffengur. Borðaði hann oft þagar ég var púki og hef einu sinni eða tvisvar eldað hann sjálf. Öllum, sem fengust til að borða hann, fannst hann góður. Ég býð þér að smakka þegar ég næ mér í blóð

[Kristín (IP-tala skráð) 10.12.2007 kl. 21:11]

ef að útlendingar gætu skilið íslensku í einn dag og myndu lesa þetta blogg.... 

það væri gaman að sjá framan í þá heheh

kindalappir og blóðgrautur.....