Heilabollur, heilastappa........

Síðustu tvær færslur hafa verið afar þjóðlegar að mínu mati. Sviðnar og soðnar kindalappir, blóðgrautur með rjóma, heilastappa og heilabollur eru dæmi um það sem um hefur verið rætt. Bíddu, ég ætla að fara að æla....

Ok komin aftur. jamm, hef átt erfitt með að sofna sökum hugsana um þetta allt saman. Já ég veit, full dramatísk en ég get alveg sagt ykkur það að í vikunni átti ég actually erfitt með að sofna af því að ég var að hugsa um hvernig það væri að borða blóðgraut(áður en ég vissi hvernig hann væri búinn til og hvernig hann væri á litinn). Ég veit, ég er kjúklingur.

Veðrið. Hver hefur ekki talað um veðrið þessa vikuna? Ég hélt að gluggarnir ætluðu að koma inn með körmunum og öllu þarna á fimmtudaginn svo ég flutti mig um herbergi til að geta sofið. Hlynur minn fór í útkall, bjarga lífum og allt það þið vitið, dæla vatni og sonna.

Á föstudeginum(í dag) átti að vera æðislega brjálað veður, við biðum og biðum og biðum og biðum eftir brjálaða veðrinu en það kom eiginlega ekki neitt. Bara rok eiginlega og rigning. Rafmagnið fór jú í klukkutíma í vinnunni í dag en ekkert merkilegra en það. Miðað við spána bjóst ég við að fara fljúgandi heim(og ég er ekki V. Beckham). Pffffft, þetta var og er ekkert veður! Allavega ekki hér.

Veðrið á að vera skárra á morgun, fínt. Við erum nefnilega að fara á jólahlaðborð með Trésmiðjunni(þar sem Hlynur vinnur). Krúsin er staðurinn og er það  öruggt að við eigum eftir að skemmta okkur vel með liðinu.

Jæja, hver lumar á uppskrift af heilabollum??

 

Athugasemdir

[Magga Kristjáns (IP-tala skráð) 15.12.2007 kl. 12:54]

Það verður fjör í kvöld, er Hlynur ekki spenntur að fara á ball með Sixties?

[Guðrún Emilía Guðnadóttir, 15.12.2007 kl. 17:07]

Ákvað að kommenta inn á síðuna þína.

fannst þetta vera þú, sú Harpa sem varst að kommenta

á skrifin mín áðan, takk fyrir það.

Kvennafræðarinn er inn á Laugum hjá snúllunum mínum, en ef ég sé ekki uppskrift af heila bollum hjá þér, þá sækji ég bókina. Góða skemmtun í kvöld.

[Vigdís (IP-tala skráð) 19.12.2007 kl. 23:06]

Hæ elskan. Varð bara að spyrja: eru að meina svona eins og kjötbollur eða svona partýbollu??? :o) Get örugglega reddað þér uppskrift af því síðarnefnda ef þú getur reddað heila. Híhí, gaman að lesa bloggið þitt, hafðu það gott! Knús til Hlyns.

[Fanný , 23.12.2007 kl. 06:01]

[Guðrún Emilía Guðnadóttir, 29.12.2007 kl. 15:59]

Harpa mín það er orðið langt síðan ég hef fengið að lesa eitthvað hjá þér,
þú hefur nú eitthvað skemmtilegt að segja un jólamatinn er það ekki?
Til hamingju með hundrað þúsund króna styrkinn
þetta var alveg frábært hjá þeim.
                            Kærar kveðjur og gleðilegt nýtt ár.
                                             Milla.