Talar du Svenska ?

Eins og sumir vita þá er á dagskrá hjá okkur að flytja til Svíþjóðar. Gúlp.... Stórt skref!  Hvað erum við að fara gera þar ? Sem sagt, við ætlum að flytja til Stokkhólms eftir áramót, veit ekki alveg hvenær, gæti verið í jan, gæti líka verið í maí þess vegna. Það er nám sem dregur okkur þangað, nánar tiltekið förðunarnám fyrir mig í IMC. Þetta nám/námskeið er 20 vikur og útskrifast maður sem förðunarfræðingur. Ég hef gengið með förðunardrauminn í maganum í dáldinn tíma og ætla að láta hann rætast því nú er tækifærið fyrir okkur að rífa okkur héðan. Hlynur ætlar að reyna að komast í slökkviliðið í Stokkhólmi, ef það gengur ekki þá fer hann að smíða. Við munum svo vonandi flytja til Köben þegar námið mitt er búið og þá ætlar Hlynur að sækja um að læra slökkviliðsmanninn:)

Við getum selt íbúðina með hagnaði sem færi í að borga hluta af skuldunum, námið, flutninga og fleira. Það er núna eða aldrei. Eða þegar við vinnum í lottó....

Við höfum sett íbúðina á sölu og er hún sett á 10 millj. einnig er búslóðin okkar að mestu leyti til sölu líka:) Og bíllinn verður seldur fyrir sunnan áður en við förum út. Monsa er ekki til sölu, hún kemur með:)

Stærstu hlutirnir í innbúinu verða til sölu á(ef þeir seljast ekki með íbúðinni) og annað smálegt verður vinum og vandamönnum boðið fyrir slikk eða gefins þegar við flytjum;)

Athugasemdir

[Gunnar Helgi Eysteinsson, 1.12.2006 kl. 09:13]

Hejsan svejsan! Þetta verður ekkert mál fyrir ykkur  Ég flutti til Svíþjóðar 89 og mætt mörgum íslendingum sem hafa farið í nám hér án þess að kunna ett orð í sænsku... og þau meikuðu það

[Íris (IP-tala skráð) 1.12.2006 kl. 13:00]

Hæ sys, við samgleðjumst ykkur að vera búin að taka þessa ákvörðun, þetta verður gaman fyrir ykkur. Ekki auðveldast í heimi en gaman og lærdómsríkt. Við erum náttúrulega agalega foj yfir að 20 vikna námskeiðið sé ekki í Malmö því þá værum við nær hvert öðru, en allt í lagi. Svo lengi sem þið eruð ánægð. Jakob er ánægður með móðursystur sína, telur að ef maður fær einhverja "fræga" vinnu eins og í sjónvarpi, leikhúsi eða í auglýsingum þá hljóti maður að hafa góð laun. A.m.k. hálfa milljón ísl. á mánuði. Hann vill endilega að ég fari líka í þetta nám, hann er þreyttur á að mamma hans hafi bara 110 þúsund á mánuði. Dollaramerki !!!! Gangi ykkur allt hið besta. Söknum ykkar massa mikið og kærlige hilsner til din pojkven. Ykkar Íris

[Palme (IP-tala skráð) 4.12.2006 kl. 14:55]

Pratar du svenska?

[Sigurlaug Dóra Ingimundardóttir, 5.12.2006 kl. 13:42]

Hæ Hæ!

Lýst vel á þetta hjá ykkur, kanski vegna þess að við erum einmitt nýflutt til Sviþjóðar, en er vissum að þetta á eftir að ganga vel hjá ykkur, við kunnum til að mynda ekkert i sænskunni þegar við komum ut síðasta sumar en erum alveg að plumma okkur vel núna.  Hafiði endilega samband ef við getum eitthvað hjálpað ykkur.

Kveðja Lulla,Elli og Kristín Björg

[Ágústa (IP-tala skráð) 5.12.2006 kl. 14:47]

jah þetta eru aldeilis fréttir! Ég kem þó ekki alveg af fjöllum þar sem það hefur verið rumor um þetta, pískrað í hverju horni. Nú skaltu bara vera hörð, ég veit að þú hefur allt til að klára þetta með stælknús, Ágústa

[Kristján (IP-tala skráð) 8.12.2006 kl. 08:16]

Vá spennandi! Gangi ykkur rosalega vel og skemmtiði ykkur æðislega vel úti! Það er svo gott að flytja erlendis í smá tíma :) 

 Nú hef ég líka afsökun til að kíkja til Svíðþjóðar!

Kristján frændi (Guðmundsson, Eyglóar)