Sönn saga úr dagbók björgunarsveitanna! Ég meig í mig af hlátri!!!

Eitt sitt hringdi karlmaður í Herdísi Storgaard fulltrúa slysavarnafélagsins í barnaslysavörunum og var mikið niðri fyrir. Baldur, ferjan milli Barðastrandar og Stykkishólms, væri hrein slysagildra fyrir börn. Rekkverkið á dekkinu væri alltof lágt og börn stundum gjörsamlega eftirlitslaus á þilfarinu. Hann færi oft með skipinu og hann hefði jafnvel séð til sumra barna prílandi upp í handriðið.

„En steininn tók þó fyrst úr í gær“ hélt maðurinn áfram. „það var kuldaþræsa og allir inni, eða það hélt ég.  Ég var að borða samloku þegar mér var allt í einu litið út um gluggann.  Sé þá ekki hvar krakki í þykkri kuldaúlpu með hettu var með annan fótinn upp í rekkverkinu og hallaði sér fram og horfði niður í sjóinn. Ég rýk út og þríf í barnið og dreg það inn í matsalinn og kalla: „ hver hérna inniá að sjá um þetta barn?“ Þá heyrist djúp karlmannsrödd innan úr úlpunni: “ Ég er nú hérna á eigin vegum. „ Þetta var þá dvergur!“ Nú tók maðurinn sér málkvíld til þess að ná andanum og hélt síðan áfram: „ þarna sérðu hvað ég er orðin órólegur útaf þessu hræðilega handriði.“

 

Er verið að gera grín að konum?

ég held að stundum(.....lesist oft) sé verið að gera grín að konum......

 

get ekki orða bundist lengur yfir fáránlegum, lítillækkandi,  kjánahrollsvekjandi og gjörsamlega ófyndnum auglýsingum sem eru í gangi þessa dagana.

Sem dæmi má nefna:

Auglýsingu fyrir LU kex: mig langar bara svo mikið til að vinna!!!" vælandi kelling í klút. Ég fæ djúpar holur í rassinn og pirring dauðans þegar ég sé þessa auglýsingu!

 

Dömubindi: jamm, þau eru komin á markað, dömubindi með ilmi. Hvursu FÁRÁNLEGT er þetta????? Ég hreinlega veit ekki hvað skal segja við þessu. Eigum við ekki bara algjörlega að afneita því að  við illalyktandi verurnar förum á blæðingar????  Er þetta virkilega komið svo langt? Þessi fáránleiki, ætlar hann aldrei að hætta?

 

 

Hverjum eru vestfirskir fjölmiðlar að hlífa?

Undarlegt þykir mér að heyra ekki eða lesa bofs á/í vestfirskum fréttamiðlum um ákærurnar gegn sr. Gunnari Björnssyni, fyrrverandi sóknarpresti í Bolungarvík og Holti Önundarfirði. Hverjum er verið að hlífa eiginlega ?

Ímyndum okkur að  lagðar hefðu verið fram kærur á hendur honum vegna líkamsárása, efnahagsbrota, fíkniefnabrota, meiðyrða eða eitthvað álíka, hefðu vestfirskir miðlar tekið þá við sér?

Hann var mjög áberandi hér fyrir vestan á sínum tíma og fjarðafokið sem í kringum hann varð áður en hann fór á Selfoss gleymist ekki svo glatt. Hann gengdi líka fjölmörgum ábyrgðarstörfum í þau ár sem hann var hér og bar mikið á honum í tónlistarlífinu. Hér kemur smá upptalning á störfum hans á Vestfjörðum:

• Settur sóknarprestur í Bolungarvíkurprestakalli 3. okt. 1972 frá 1. s.m., vígður 15. s.m. og skipaður 8. nóv. 1973 frá l. s.m. Veitt lausn frá embætti frá 1. des. 1982.
• Kallaður til embættis sóknarprests í Holti i Önundarfirði frá 1. sept. 1989, skipaður sóknarprestur þar frá 1. okt. 1990 til 31. mars 2000
• Stundakennari við Grunnskóla Bolungarvíkur og Tónlistarskóla Bolungarvíkur 1972-82.
• Kennari við Tónlistarskóla Ísafjarðar 1973-82 og Tónlistarskóla Flateyrar 1991-94.
• Í Kammersveit Vestfjarða frá stofnun 1974.
• Söngstjóri Karlakórsins Ægis í Bolungarvík 1979-82 og Karlakórs Vestur-Ísfirðinga 1990.
• Organisti og söngstjóri Flateyrarkirkju 1991-99.
• Ritari í stjórn Prestafélags Vestfjarða 1973-78.
• Formaður skólanefndar Bolungarvíkurkaupstaðar frá 1973 I mörg ár og sat í Fræðsluráði Vestfjarða 1974-82, þar af formaður 1980-82.
• Varafulltrúi í bæjarstjórn Bolungarvíkur fyrir Sjálfstæðisflokkinn 1974-78.
• Formaður Styrktarfélags vangefinna á Vestfjörðum 1976-80. 
• Formaður Lionsklúbbs Önundarfjarðar 1996-97. 
• Svæðisstjóri Lionshreyfingarinnar á Vestfjörðum 1999-2000.  *

Mér þykir fréttnæmt með eindæmum að þessi maður sæti þessum ákærum, hvort sem hann er sekur eða saklaus. Eru vestfirskir fjölmiðlar eins og t.d. www.skutull.is, www.bb.is, www.vikari.is (get ekki sagt til um svæðisútvarp Vestfjarða þar sem ég heyrði ekki útsendinguna í dag) of ragir við að fjalla um þetta mál? Ég spyr aftur, hverjum er verið að hlífa? 

 

*heimildir um starfsferil sr. Gunnar voru fengnar af vef Selfosskirkju

Háskólakennari grunaður um að hafa ítrekað nauðgað fjórum börnum sínum og vinkonu einnar dóttur sinnar

"Háskólakennari hefur verið í gæsluvarðhaldi frá 11. apríl vegna gruns um að hafa ítrekað nauðgað fjórum börnum sínum og vinkonu einnar dóttur sinnar. DV greinir frá þessu í dag. Þar kemur fram að elstu brotin hafi verið framin fyrir um fimmtán árum en þau yngstu í vetur.

Gæsluvarðhald hefur verið framlengt yfir manninum til 15. maí næstkomandi. Í blaðinu kemur fram að maðurinn hafi ítrekað flutt dætur sínar á milli skóla og að grunsemdir hafi vaknað í einum skólanna um að ekki væri allt með felldu. Yngsta dóttirin er sögð hafa greint fyrst frá brotum mannsins. Í blaðinu er einnig vitnað í yfirlýsingu frá skólanum þar sem maðurinn var kennari. Þar segir að honum hafi verið vikið frá störfum frá og með 11. apríl.

Heimildir DV herma einnig að um sérstaklega gróf brot sé að ræða og hefur blaðið eftir einum viðmælanda sinna að „fá mál hérlendis, ef nokkur, kæmust í líkingu við þetta.""

http://visir.is/article/20080506/FRETTIR01/333463009

Undarlegur eftirmiðdagur

Hjarta mitt er meyrt í kvöld. Lestur hugleiðinga vinkonu minnar um horfin ástvin hefur fengið mig til að berjast við tárin í allt kvöld. Mig langar svo óskaplega til að faðma hana lengi.

 Og nú ég hér og græt, og græt. En það er gott að gráta.

Hún fékk mig líka til þess að hugsa til þeirra ásvina sem ég hef misst, mömmu sem átti ekkert val um að deyja, og Kristínu sem valdi sjálf. Og ég hef oft hugsað, hvað ef....

hvað ef ég hefði spurt?

hvað ef ég hefði sagt eitthvað?

afhverju teygði ég ekki hendurnar, báðar, til mömmu minnar og sagði "ég elska þig mamma"

 

Prestur á Selfossi kærður fyrir kynferðisbrot

http://visir.is/article/20080503/FRETTIR01/122460186

manni langar til að segja svo margt.....

Spurningakeppni nr. 2! Hvað veist þú um kvikmyndir?

1. Margar af sögum hennar hafa verið kvikmyndaðar, þ.á.m. Murder on the Orient Express, og Death on the Nile. Hvað heitir skáldið?
2. Leikari og leikstjóri hafa gert margar vinsælar myndir saman, m.a. Mean Streets, Taxi Driver Goodfellas. Hvað heita félagarnir?
3. Hver leikur eiginkonu Kevin Spacey í American Beauty?
4. Robert Redford hafnaði hlutverki Benjamins í myndinni The Graduate, hver tók hlutverkið  að sér?
5. Hver leikur aðalhlutverkið í Waynes World á móti Mike Myers?

Koma svo!!!!

Spurningakeppni!! Hvað veist þú um kvikmyndir?

Nú set ég fram nokkrar spurningar sem allir kvikmyndaunnendur ættu að hafa gaman af(að?). Spurningarnar fæ ég úr bókinni "Hvað veist þú um kvikmyndir?" eftir þá Elfar Loga og Þórarin Hannessyni.

1. Hvaða rithöfundur skapaði James Bond?
2. Kvikmyndin The Great Gatsby, 1974, er byggð á samnefndri skáldsögu. Hvað heitir höfundur hennar?
3. Árið 1996 kom út mynd sem Tom Hanks skrifaði handritið að, leikstýrði og lék eitt aðalhlutverkanna. Hvað heitir myndin?
4. Hver leikstýrði myndinni Desonstructing Harry?
5. Hver leikur Stjána Bláa í samnefndri mynd Robert Altman, 1980?

 

Skoðanakönnun: Grím áfram sem bæjarstjóra í Bolungarvík?

Endilega svarið skoðanakönnuninni hér til hliðar um hvort ykkur finnst að Grímur eigi að vera áfram bæjarstjóri í Bolungarvík.

Ég segi að sjálfsögðu JÁ!!!!

Fyren þú ert dauður...

Nei ég skal aldrei gleyma því að það varst þú sem eyðilagðir alt gott og hreint og fallegt sem ég átti í sálinni, með því að troðast eins og viðbjóðslegt kvikindi uppí rúmið okkar mömmu"...." sem var þá ekki annað en barn á tólfta ári, og ég er ekki búin að ná mér eftir það enn og næ mér aldrei meðan ég lifi, - þessi andstygð hefur ásótt mig í vöku og svefni altaf síðan, og þegar mig dreymir djöfulinn á næturnar þá ert það þú, þú - þú ert djöfullinn sjálfur og ég lifi aldrei, aldrei glaðan dag fyren ég veit að þú ert dauður" (Salka Valka, Halldór Laxnes, 1931, bls 166).

 

Mögnuð orð. Sérstaklega"þegar mig dreymir djöfulinn á næturnar þá ert það þú, þú - þú ert djöfullinn sjálfur og ég lifi aldrei, aldrei glaðan dag fyren ég veit að þú ert dauður"

Fjórir menn misnotuðu mig. Ég gleymi því aldrei þegar sá fyrsti drapst. Það var í kringum jól, ég sat inni stofu hjá foreldrum mínum. Mamma kom til mín, lagði Morgunblaðið fyrir framan mig og labbaði svo fram. Hún hafði sett blaðið niður opið á minningargreinunum. Þar voru ættingar hans að lofsama hann, manninn sem misnotaði mig lengi. Ógeðið sem lyktaði af sápu og elli. Þetta var á gamlársdag, ég fór á ball um kvöldið.

Þar hitti ég aðra stelpu sem ég vissi að hann hafði einnig misnotað. Hún kom til mín og sagði "í kvöld skulum við dansa á gröf hans" Við dönsuðum allt kvöldið.